उच्च अदालत पाटनले अल्पकालीन अन्तरिम आदेशलाई निरन्तरता दिनु नपर्ने फैसला गरेपछि बादी समुदायका महिलाको कथामा आधारित चलचित्र ‘लालीबजार’को प्रदर्शनको बाटो खुलेको छ। यम थापा निर्देशित यस चलचित्रमा स्वस्तिमा खड्का र रवीन्द्रसिंह बानियाँ लगायतका कलाकारहरूको मुख्य अभिनय रहेको छ। वैशाख १८ गते प्रदर्शन हुने तयारीमा रहेको यो चलचित्रमाथि यसअघि अदालतले रोक लगाएको थियो।